Connect with us

Gaprak

Netes Luh Neng Pipine Sandro Wagner

Published

on

Netes Luh Neng Pipine Sandro Wagner

Bal-balan kuwi akeh-akehe sing main iku lanang. Tapi ojok salah, soale neng olahraga iki jebul ono dramane. Kaya sing dilakoni karo Sandro Wagner. Dheweke neteske luh neng pipine mbasa krungu nek dheweke ora mlebu tim nasional Jerman. Cemen banget ta? Gak mbois blas.

Sedih sih, rasane kaya Jerman melu berduka. Tapi yo mosok saknegara Jerman kudu sedih gara-gara Sandro Wagner sedih. Gudu masalah cedera meneh, tapi masala hora dilebokne skuat Jerman. Rak yo cah cilik banget ta?

Padahal kudune nek dheweke kuwi pemain bal sing dewasa iso menehi kesempatan kanggo pemain liyane, terutama sing luwih enom. Lha kok malah sedih. Emange nek dheweke mlebu njuk Jerman menang po piye? Koyo dewa ampuh wae.

Pelatih Bayern Munich akhire kepeksa menghibur si pemain jangkung iki. Yakin rek, mesthi kepeksa kuwi le menghibur. Ben maine ora elek neng klub. Mosok gara-gara ngono kuwi njuk mutung terus le main elek. Yo buang kalen wae nek ono pemain kaya ngono.

Netes Luh Neng Pipine Sandro Wagner

Nek Jupp Heynckes sih munine dheweke durung ngerti ngopo kok pemain jangkung kuwi gak dilebokne neng skuat karo Joachim Low. Nek dheweke sing dadi pelatih timnas Jerman, dheweke mesthi nglebokne Sandro Wagner.

Pidato kaya ngono we dikeploki karo kanca-kancane Sandro. Hayo cetha koen bakal omong kaya ngono. Lha kon dudu pelatih timnas Jerman. Dadi sing mbok omongke kuwi mau mung omong kosong.

Mending Joachim Low le menehi keterangan. Dheweke ngomong nek iki kabeh pertimbangane menyeluruh. Dadi dudu perkara seneng po ora seneng karo sakuwong, tapi kabeh ki demi kebaikan tim. Nek paham iki kudune yo mbok dha legawa lan ikhlas.

Tapi untunge si Low iki paham nek keputusane bakal marai chaos. Soale akeh pemain sing durung iso legawa karo keputusane. Dadine ribut. Tapi karo si Joachim yo mung diprekne. Soale nek nggo dheweke ki sing penting yo piye carane Jerman menang. Gak urusan karo luh’e Sandro Wagner. Koyo bayi wae, opo-opo kok nangis.

Sebarke Cuk!